HIV ပိုး ကျွန်တော့တွင် ရှိနေပြီ

(Zawgyi )

ေမး။ ကြၽန္ေတာ့အသက္ (၂၅) ႏွစ္ရွိပါၿပီ။ အိမ္ေထာင္မရွိလူပ်ိဳပါ။ ကြၽန္ေတာ့္ အရင္ အလုပ္က နယ္ဘက္ေတြကိုမားကက္တင္းအၿမဲဆင္းရပါတယ္။တခါတေလလည္းအေပ်ာ္အပါးလိုက္စားမိပါတယ္။ ၿပီးခဲ့တဲ့ ႏွစ္ပတ္ ေလာက္ကနီးစပ္တဲ့ညီငယ္တစ္ေယာက္
Car Accident ျဖစ္တာ ေသြးလိုလို႔ ေသြးအမ်ိဳးအစား ကိုက္တာနဲ႔ လႉမယ္ဆိုၿပီး ေသြးစစ္ၾကည့္ေတာ့ HIV ပိုးရွိေနတာေတြ႕ရပါတယ္။ ပိုၿပီး ေသခ်ာသြားေအာင္ ရန္ကုန္မွာရွိတဲ့ အမ်ိဳးသားက်န္းမာေရး ဓာတ္ခြဲခန္းကိုလည္း သြားေရာက္ စစ္ေဆးခဲ့ပါတယ္။ positive ပါပဲ။ HIV ေရာဂါပိုးရွိေနတဲ့ သူတစ္ေယာက္အေနနဲ႔ ဘယ္လိုျပဳမူေနထိုင္သင့္ပါသလဲ?

ေျဖ။ HIV ေရာဂါပိုးကူးစက္ခံထားရသူနဲ႔ ခုခံအားက်ဆင္းမႈေရာဂါသည္ (AIDS) ေရာဂါသည္ ဆိုတာ တကယ္ေတာ့ မတူပါဘူး။ လူတစ္ေယာက္ဟာ HIV ပိုးရွိေနေပမယ့္လည္း သာမန္လူတစ္ေယာက္လိုပဲလႈပ္ရွားသြားလာလို႔ရပါတယ္။အျပင္ပန္းၾကည့္႐ုံနဲ႔ ေရာဂါပိုးရွိေနမွန္းခြဲျခားမသိႏိုင္ပါဘူး။ ေသြးစစ္ၾကည့္မွသာသိရတာမ်ိဳးပါ။လူတစ္ေယာက္ဟာ HIV ပိုးကူးစက္ခံရၿပီဆိုတာနဲ႔ တၿပိဳင္နက္ သူ႔ရဲ႕သက္တမ္းတေလွ်ာက္ လုံးေရာဂါပိုးဟာ ခႏၶာကိုယ္ထဲမွာရွိေနၿပီးေနာက္ဆုံးမွာေတာ့ AIDS ေရာဂါေဝဒနာရွင္တစ္ေယာက္အျဖစ္ေရာက္ၿပီးဘဝဆုံးရမွာပဲျဖစ္ပါတယ္။ဘယ္အခ်ိန္မွာခုခံအားက်ဆင္းမႈေရာဂါသည္အျဖစ္သို႔ ေရာက္ရွိမလဲဆိုတာကေတာ့လူတစ္ေယာက္နဲ႔တစ္ေယာက္မတူညီႏိုင္ပါဘူးအစားအေသာက္၊ အေနအထိုင္နဲ႔ ကိုယ္ခံအားအျပင္ ဆရာဝန္မွ ၫႊန္ၾကားေသာေဆးဝါးမ်ားကိုေသာက္သုံးမႈ စသည္တို႔အေပၚမွာလည္းမူတည္ ပါတယ္။

မိမိမွာ HIV ပိုးရွိေနၿပီလို႔ သိလိုက္တာနဲ႔တၿပိဳင္နက္ မဆိုင္းမတြ လုပ္သင့္တာက နားလည္တတ္ကြၽမ္းတဲ့ ဆရာဝန္တစ္ေယာက္နဲ႔ ကုမႈခံယူပါ။ အခ်ိန္မွန္မွန္ ေတြ႕ဆုံၿပီးအႀကံဉာဏ္ လမ္းၫႊန္မႈေတြ ရယူပါ။ လိုအပ္လို႔ တိုက္ေကြၽးတဲ့ ေဆးဝါးေတြကိုလည္း အခ်ိန္မွန္မွန္ေသာက္ရပါမယ္။ HIV ပိုးရွိတဲ့လူဟာေသြးမွတစ္ဆင့္ တျခား သူေတြဆီ ကူးစက္ႏိုင္တာေၾကာင့္ သြားတိုက္တံမ်ား၊မုတ္ဆိတ္ရိတ္တံမ်ားကိုလည္းမိသားစုဝင္ေတြနဲ႔အတူမွ်ေဝသုံးစြဲျခင္းမျပဳရပါဘူး။သိၿပီးသားျဖစ္တဲ့အတိုင္း ေသြးလႉဒါန္းျခင္းလည္းမလုပ္ရပါဘူး။ လိင္ဆက္ဆံရာမွ တဆင့္လည္း ကူးစက္ႏိုင္တဲ့ အတြက္ HIV ပိုးစတင္ေတြ႕ရွိတာနဲ႔ တၿပိဳင္နက္ ကိုယ္က်င့္တရားကို ထိန္းသိမ္း သင့္ပါတယ္။ တကယ္လို႔ အေၾကာင္းေၾကာင္းေၾကာင့္ လိင္ဆက္ဆံျဖစ္ေတာ့မယ္ ဆိုလွ်င္လည္းမလြဲမေသြ အရည္ အေသြး ေကာင္းေသာcodom ေဆာင္ပါ။အလြန္အေရးႀကီးပါတယ္။HIV ေရာဂါပိုးရွိသူတစ္ေယာက္ဟာ ေဆး႐ုံ၊ ေဆးခန္းမ်ားကိုတခုခုထိခိုက္မိလို႔ျဖစ္ေစ၊ အျခားေရာဂါ တခုခုေၾကာင့္ ျဖစ္ေစသြားရလွ်င္လည္း ကုသမယ့္ဆရာဝန္ကိုမိမိမွာ ေရာဂါပိုးရွိေၾကာင္းႀကိဳတင္အသိေပးထားရမွာပါ။ဒါမွသာတျခားလူေတြဆီမကူးစက္ႏိုင္ေအာင္ ကာကြယ္ႏိုင္မွာပါ။

1981 ခုႏွစ္ေရာဂါပိုးကိုစတင္သတိထားမိတဲ့အခ်ိန္ ကစၿပီးယေန႔အခ်ိန္ထိ ႏွစ္ေပါင္းသုံးဆယ္ေက်ာ္အတြင္းသုေတသနေပါင္းမ်ားစြာလုပ္ၿပီးAIDS ေရာဂါကိုကာကြယ္ရန္၊ကုသရန္ႀကိဳးပမ္းခဲ့ၾကေသာ္လည္းပဲအျမစ္ျပတ္ေပ်ာက္ကင္းေအာင္ကုသႏိုင္ေသာနည္းလမ္းမေပၚေသးပါ။ယခုလက္ရွိသုံးစြဲေနေသာေဆးဝါးမ်ားသည္ HIV ေရာဂါပိုးကို ခႏၶာကိုယ္ထဲမွာမပြားေအာင္ ထိန္းေပးႏိုင္ေသာေဆးဝါးမ်ားသာျဖစ္ပါတယ္။ ဒါ့ေၾကာင့္မို႔လို႔ မိမိကိုယ္ကိုအစားအေသာက္ အေနအထိုင္ အသြားအလာအျပဳအမူစိတ္ေနစိတ္ထားအစစအရာရာဂ႐ုစိုက္ၿပီး ေနထိုင္ျခင္းသည္အေကာင္းဆုံးျဖစ္ပါတယ္။မလႊဲေရွာင္ႏိုင္ေသာကံအေၾကာင္းတရားေၾကာင့္ ေရာဂါပိုးကူးစက္ခံရၿပီဆိုပါကလည္းစိတ္ဓာတ္မက်ပဲက်န္းမာေရးကိစၥေတြမွာအထူးဂ႐ုစိုက္၍တတ္ႏိုင္သမွ်မိမိနဲ႔ဘဝတူမိမိထက္ဗဟုသုတနည္းပါးသူေတြကို ေဖးမရင္းဘဝခရီးလမ္းတစ္ေလွ်ာက္ ဆက္လက္ေလွ်ာက္လွမ္းျခင္းသည္သာအေကာင္းဆုံးျဖစ္ေပမည္။

Author – ေဒါက္တာေအးခ်မ္းမိုး

(Unicode)

မေး။ ကျွန်တော့အသက် (၂၅) နှစ်ရှိပါပြီ။ အိမ်ထောင်မရှိလူပျိုပါ။ ကျွန်တော့် အရင် အလုပ်က နယ်ဘက်တွေကိုမားကက်တင်းအမြဲဆင်းရပါတယ်။တခါတလေလည်းအပျော်အပါးလိုက်စားမိပါတယ်။ ပြီးခဲ့တဲ့ နှစ်ပတ် လောက်ကနီးစပ်တဲ့ညီငယ်တစ်ယောက်
Car Accident ဖြစ်တာ သွေးလိုလို့ သွေးအမျိုးအစား ကိုက်တာနဲ့ လှူမယ်ဆိုပြီး သွေးစစ်ကြည့်တော့ HIV ပိုးရှိနေတာတွေ့ရပါတယ်။ ပိုပြီး သေချာသွားအောင် ရန်ကုန်မှာရှိတဲ့ အမျိုးသားကျန်းမာရေး ဓာတ်ခွဲခန်းကိုလည်း သွားရောက် စစ်ဆေးခဲ့ပါတယ်။ positive ပါပဲ။ HIV ရောဂါပိုးရှိနေတဲ့ သူတစ်ယောက်အနေနဲ့ ဘယ်လိုပြုမူနေထိုင်သင့်ပါသလဲ?

ဖြေ။ HIV ရောဂါပိုးကူးစက်ခံထားရသူနဲ့ ခုခံအားကျဆင်းမှုရောဂါသည် (AIDS) ရောဂါသည် ဆိုတာ တကယ်တော့ မတူပါဘူး။ လူတစ်ယောက်ဟာ HIV ပိုးရှိနေပေမယ့်လည်း သာမန်လူတစ်ယောက်လိုပဲလှုပ်ရှားသွားလာလို့ရပါတယ်။အပြင်ပန်းကြည့်ရုံနဲ့ ရောဂါပိုးရှိနေမှန်းခွဲခြားမသိနိုင်ပါဘူး။ သွေးစစ်ကြည့်မှသာသိရတာမျိုးပါ။လူတစ်ယောက်ဟာ HIV ပိုးကူးစက်ခံရပြီဆိုတာနဲ့ တပြိုင်နက် သူ့ရဲ့သက်တမ်းတလျှောက် လုံးရောဂါပိုးဟာ ခန္ဓာကိုယ်ထဲမှာရှိနေပြီးနောက်ဆုံးမှာတော့ AIDS ရောဂါဝေဒနာရှင်တစ်ယောက်အဖြစ်ရောက်ပြီးဘဝဆုံးရမှာပဲဖြစ်ပါတယ်။ဘယ်အချိန်မှာခုခံအားကျဆင်းမှုရောဂါသည်အဖြစ်သို့ ရောက်ရှိမလဲဆိုတာကတော့လူတစ်ယောက်နဲ့တစ်ယောက်မတူညီနိုင်ပါဘူးအစားအသောက်၊ အနေအထိုင်နဲ့ ကိုယ်ခံအားအပြင် ဆရာဝန်မှ ညွှန်ကြားသောဆေးဝါးများကိုသောက်သုံးမှု စသည်တို့အပေါ်မှာလည်းမူတည် ပါတယ်။

မိမိမှာ HIV ပိုးရှိနေပြီလို့ သိလိုက်တာနဲ့တပြိုင်နက် မဆိုင်းမတွ လုပ်သင့်တာက နားလည်တတ်ကျွမ်းတဲ့ ဆရာဝန်တစ်ယောက်နဲ့ ကုမှုခံယူပါ။ အချိန်မှန်မှန် တွေ့ဆုံပြီးအကြံဉာဏ် လမ်းညွှန်မှုတွေ ရယူပါ။ လိုအပ်လို့ တိုက်ကျွေးတဲ့ ဆေးဝါးတွေကိုလည်း အချိန်မှန်မှန်သောက်ရပါမယ်။ HIV ပိုးရှိတဲ့လူဟာသွေးမှတစ်ဆင့် တခြား သူတွေဆီ ကူးစက်နိုင်တာကြောင့် သွားတိုက်တံများ၊မုတ်ဆိတ်ရိတ်တံများကိုလည်းမိသားစုဝင်တွေနဲ့အတူမျှဝေသုံးစွဲခြင်းမပြုရပါဘူး။သိပြီးသားဖြစ်တဲ့အတိုင်း သွေးလှူဒါန်းခြင်းလည်းမလုပ်ရပါဘူး။ လိင်ဆက်ဆံရာမှ တဆင့်လည်း ကူးစက်နိုင်တဲ့ အတွက် HIV ပိုးစတင်တွေ့ရှိတာနဲ့ တပြိုင်နက် ကိုယ်ကျင့်တရားကို ထိန်းသိမ်း သင့်ပါတယ်။ တကယ်လို့ အကြောင်းကြောင်းကြောင့် လိင်ဆက်ဆံဖြစ်တော့မယ် ဆိုလျှင်လည်းမလွဲမသွေ အရည် အသွေး ကောင်းသောcodom ဆောင်ပါ။အလွန်အရေးကြီးပါတယ်။HIV ရောဂါပိုးရှိသူတစ်ယောက်ဟာ ဆေးရုံ၊ ဆေးခန်းများကိုတခုခုထိခိုက်မိလို့ဖြစ်စေ၊ အခြားရောဂါ တခုခုကြောင့် ဖြစ်စေသွားရလျှင်လည်း ကုသမယ့်ဆရာဝန်ကိုမိမိမှာ ရောဂါပိုးရှိကြောင်းကြိုတင်အသိပေးထားရမှာပါ။ဒါမှသာတခြားလူတွေဆီမကူးစက်နိုင်အောင် ကာကွယ်နိုင်မှာပါ။

1981 ခုနှစ်ရောဂါပိုးကိုစတင်သတိထားမိတဲ့အချိန် ကစပြီးယနေ့အချိန်ထိ နှစ်ပေါင်းသုံးဆယ်ကျော်အတွင်းသုတေသနပေါင်းများစွာလုပ်ပြီးAIDS ရောဂါကိုကာကွယ်ရန်၊ကုသရန်ကြိုးပမ်းခဲ့ကြသော်လည်းပဲအမြစ်ပြတ်ပျောက်ကင်းအောင်ကုသနိုင်သောနည်းလမ်းမပေါ်သေးပါ။ယခုလက်ရှိသုံးစွဲနေသောဆေးဝါးများသည် HIV ရောဂါပိုးကို ခန္ဓာကိုယ်ထဲမှာမပွားအောင် ထိန်းပေးနိုင်သောဆေးဝါးများသာဖြစ်ပါတယ်။ ဒါ့ကြောင့်မို့လို့ မိမိကိုယ်ကိုအစားအသောက် အနေအထိုင် အသွားအလာအပြုအမူစိတ်နေစိတ်ထားအစစအရာရာဂရုစိုက်ပြီး နေထိုင်ခြင်းသည်အကောင်းဆုံးဖြစ်ပါတယ်။မလွှဲရှောင်နိုင်သောကံအကြောင်းတရားကြောင့် ရောဂါပိုးကူးစက်ခံရပြီဆိုပါကလည်းစိတ်ဓာတ်မကျပဲကျန်းမာရေးကိစ္စတွေမှာအထူးဂရုစိုက်၍တတ်နိုင်သမျှမိမိနဲ့ဘဝတူမိမိထက်ဗဟုသုတနည်းပါးသူတွေကို ဖေးမရင်းဘဝခရီးလမ်းတစ်လျှောက် ဆက်လက်လျှောက်လှမ်းခြင်းသည်သာအကောင်းဆုံးဖြစ်ပေမည်။

Author – ဒေါက်တာအေးချမ်းမိုး

ဆက်စပ် ဆောင်းပါးများ