fbpx

အသက်ကြီးလာလေ သူလည်းတူတူကြီးလာလေ 

အသက်ကြီးလာလေ သူလည်းတူတူကြီးလာလေ 

 

ဆီးကြိတ်ကြီးခြင်းသည် အမျိုးသားများအသက်ကြီးလာသည်နှင့်အမျှ ဖြစ်တတ်သော ပုံမှန်သဘာဝဖြစ်စဉ်အခြေအနေတစ်ခုဖြစ်တယ်။

ဆီးကြိတ်ကြီးခြင်းသည်ဆီးအိမ်မှဆီးစီးဆင်းခြင်းကိုပိတ်ဆို့သော ရောဂါလက္ခဏာများအပြင်

ဆီးအိမ်၊ ဆီးလမ်းကြောင်းနဲ့ ကျောက်ကပ်ဆိုင်ရာပြဿနာများဖြစ်စေနိုင်တယ်။

 

 

ရောဂါလက္ခဏာများ

 

 ဆီးကြိတ်ကြီးသူများတွင်

 ရောဂါလက္ခဏာများပြင်းထန်မှု မတူကြသော်လည်းအချိန်ကြာလာသည်နှင့်အမျှရောဂါလက္ခဏာများမှာတဖြည်းဖြည်းပိုမိုဆိုးဝါးလာလေ့ရှိတယ်။ 

 

ဖြစ်လေ့ရှိသောလက္ခဏာများမှာ

ဆီးသွားရခက်ခြင်း၊

အရေးပေါ်ဆီးသွားရန်လိုအပ်ခြင်း၊

ဆီးမထိန်းထားနိုင်ခြင်း၊

ညဘက် ဆီးခဏခဏသွားရခြင်း၊

အစခက်ခြင်း၊

ဆီးပေါက်ချိန်ကြာခြင်း၊

ဆီးလုံးသေးခြင်း၊

တအားညှစ်ပေါက်ရခြင်း၊

ဆီးကျန်ခြင်း၊

ဆီးသွားပြီး တစ်စက်စက်ထွက်ကျခြင်း တို့ပဲဖြစ်ပါတယ်။

 

နောက်ဆက်တွဲပြဿနာများအနေနဲ့

 

ဆီးလုံးဝမပေါက်နိုင်ခြင်း၊

ဆီးလမ်းကြောင်းပိုးဝင်ခြင်း၊

ဆီးအိမ်ကျောက်၊

ဆီးအိမ်ပျက်စီးခြင်း၊

ကျောက်ကပ်ပျက်စီးခြင်း များအထိပါဖြစ်နိုင်တယ်။

 

——————————————

 

ဘယ်သူတွေ ဆီးကြိတ်ကြီးဖို့ဖြစ်နိုင်ခြေပိုများသလဲ။

 

အသက်ကြီးခြင်း၊ အိုမင်းခြင်း 

 

ရောဂါရာဇဝင်

ဆီးကျိတ်ပြဿနာ ရှိသည့်ဖခင်သို့မဟုတ်အစ်ကိုကဲ့သို့သောသွေးသားဆွေမျိုးများရှိလျှင် သင့်မှာလည်း

ဖြစ်နိုင်ခြေပိုများနိုင်တယ်။

 

ဆီးချိုရောဂါနှင့်နှလုံးရောဂါ

လေ့လာမှုအရ ဆီးချိုရောဂါအပြင်နှလုံးရောဂါနှင့် beta blocker နှလုံးရောဂါအတွက်ဆေး

အသုံးပြုခြင်းသည် ဆီးကြိတ်ကြီးခြင်းဖြစ်နိုင်ခြေကိုမြင့်တက်စေနိုင်တယ်။

 

လူနေမှုပုံစံ

အဝလွန်ခြင်းသည်ဆီးချိုရောဂါဖြစ်ပွားမှုနှုန်းကို

မြင့်တက်စေပြီး လေ့ကျင့်ခန်းလုပ်ခြင်းသည်

သင်၏အန္တရာယ်ကိုလျှော့ချနိုင်ပါတယ်။

 

——————————————

 

ဘယ်အချိန်မှာဆရာဝန်ပြဖို့လိုသလဲ။

 

သင်ဆီးသွားရခက်သည့်ရောဂါလက္ခဏာများရဲ့

အကြောင်းအရင်းကို ရှာဖွေ

ဖော်ထုတ်ရန် သို့မဟုတ် ဖယ်ထုတ်ရန်

အလွန်အရေးကြီးပါတယ်။ 

 

ဆီးနှင့်ပတ်သက်သော ပြဿနာများရှိပါက

ဆရာဝန်နှင့်ဆွေးနွေးတိုင်ပင်ပါ။

လိုအပ်လျှင်လည်း ချက်ချင်း ဆေးကုသမှုခံယူသင့်ပါကြောင်း ဒီဆောင်းပါးတွင်ဖော်ပြအပ်ပါတယ်။

 

Dr. Wallace K

ဆက်စပ် ဆောင်းပါးများ