ဖျက်ခြင်းဆိုးကျိုး

“ဆရာမ ကျွန်မ ကိုယ်ဝန်ရှိလို့ ကိုယ်ဝန်ဖျက်ချချင်ပါတယ် ကူညီပါလို့ “Ondr မှာ အကူအညီတောင်းလေ့ရှိပါတယ်။ကိုယ်ဝန်ဖျက်ချခြင်းရဲ့ နောက်ဆက်တွဲဆိုးကျိုးများက များပြားလှပါတယ်။မသိနားမလည်ဘဲ ကိုယ်ဝန်ပျက်ချင်တာပဲ သိသော ညီမလေးများကို ရှင်းပြချင်ပါတယ်။

ကိုယ်ဝန်ဖျက်ချခဲ့ရင် ဘာတွေဆက်ဖြစ်နိုင်သလဲ:)?
(၁)ဖျက်တိုင်း မပျက်ကျခြင်း
ဖျက်ချသော်လည်း ကိုယ်ဝန်မပျက်ဘဲ သားအိမ်ထဲတွင် ကလေးသေနေခြင်းဖြစ်တတ်တယ်။ သို့မဟုတ် မွေးလာသောကလေးတွင် မွေးရာပါရောဂါ ပါလာခြင်း၊မွေးရာပါ ကိုယ်လက်အင်္ဂါ မပြည့်စုံသောကလေးမွေးဖွားလာနိုင်ခြင်း စသည်တို့ဖြစ်နိုင်ပါတယ်။

(၂)သားအိမ်ပေါက်သွားခြင်း
ကိုယ်ဝန်ဖျက်ချရာတွင် သားအိမ်ပေါက်သွားခြင်းသည် အဖြစ်များသော ပြဿနာဖြစ်ပါတယ်။သားအိမ်ပေါက်သွားခြင်းသည် သားအိမ်ထုတ်ပစ်ရသည့်အပြင် အသက်အန္တရာယ်ထိခိုက်ဆုံးရှုံးနိုင်ပါသည်။အကယ်ရျ် သားအိမ်နံရံခြစ်မိပြီး မှန်ကန်စွာမကုခဲ့လျှင် နောက်ထပ်ကလေးရနိုင်ခြင်းမရှိနိုင်ပါ။

(၃)ပိုးဆိပ်တက်ခြင်း
ပိုးဆိပ်တက်ခြင်းသည် အဆိုးရွားဆုံးဆိုးကျိုးဖြစ်ပါတယ်။မသန့်ရှင်းသောပစ္စည်းများဖြင့် ဖျက်ချခြင်း၊လက်ဖြင့် နိူက်ထုတ်ခြင်း၊ကလေးအထဲတွင်အသက်မရှိဘဲ သေဆုံးနေခြင်း စသည်တို့ကြောင့် ပိုးဆိပ်တက်နိုင်ပါတယ်။ပိုးသည် သားအိမ်မှတဆင့် သွေးကြောထဲသို့ဝင်ရောက်ကာ တစ်ကိုယ်လုံးသို့ပျံ့နှံရျ် ကိုယ်တွင်းအင်္ဂါများအလုပ်မလုပ်တော့သည်အထိ ဖြစ်နိုင်ပါတယ်။အသက်ဆုံးရှုံးနိုင်ပါတယ်။

(၄)သွေးထွက်လွန်ခြင်း
သားအိမ်ပျက်ဆီးကာ အလုပ်မလုပ်နိုင်ခြင်း ၊သန္ဓေသားအပိုင်းအစကျန်ခြင်း၊သားအိမ်ခေါင်းအဝပျက်စီးခြင်းတို့ကြောင့် ညစ်အားနည်းကာ သွေးထွက်လွန်ပြီး အသက်ဆုံးရူံးနိုင်ပါတယ်။

(၅)သားအိမ်ပြင်ပသန္ဓေတည်ခြင်း
ကိုယ်ဝန်ဖျက်ချခြင်းကြောင့် နောင်ကလေးယူခဲ့လျှင် သားအိမ်ပြင်ပ သန္ဓေတည်ခြင်းဖြစ်နိုင်ပါတယ်။သန္ဓေသားသည် သားဥအိမ်၊သားဥပြွန်၊ဝမ်းဗိုက်စသည့်တို့တွင် သန္ဓေတည်နိုင်သည်။ကိုယ်ဝန်ဖျက်ချထားသောကြောင့် သားအိမ်နံရံတွင်အမာရွတ်များရှိသောကြောင့် သန္ဓေမတည်နိုင်ပါ။သားအိမ်ပြင်ပ သန္ဓေတည်ခဲ့လျှင် နောင်ကလေးရဖို့ အခွင့်အလမ်းနည်းပါးပါလိမ့်မယ်။

(၆)အချင်းရှေ့ရောက်ခြင်း
ကိုယ်ဝန်ဖျက်ချထားရျ် သားအိမ်နံရံအမာရွတ်များရှိခြင်းကြောင့် နောင်ကိုယ်ဝန်ဆောင်သော် အချင်းသည် ပုံမှန်နေရာတွင်မရှိနိုင်ပဲ ရှေ့ရောက်ကာ သားအိမ်အဝဖုံးနိုင်သည်။အချင်းရှေ့ရောက်ခြင်းကြောင့် ကလေးကိုယ်လက်အင်္ဂါချို့ယွင်းနိုင်ခြင်း၊မမွေးခင်အသက်ဆုံးရှုံးခြင်းနှင့် မွေးစဉ် သွေးထွက်လွန်ခြင်းစသည်တို့ဖြစ်နိုင်ပါတယ်။မွေးခဲ့သော် လမစေ့၊ပေါင်မပြည့်သောကလေးမွေးနိုင်ပါတယ်။

(၇)လမစေ့ကလေးမွေးခြင်း
ကိုယ်ဝန်ဖျက်ချဖူးသောသူများတွင် သားအိမ်အဝအားနည်းသော်ကြောင့် နောင်ကိုယ်ဝန်ရှိသော် လမစေ့သောကလေးမွေးဖွားနိုင်ပါတယ်။

(၈)ကလေးလုံးဝမရနိုင်တော့ခြင်း
ကိုယ်ဝန်ဖျက်ချထားသောကြောင့် သားအိမ်ပေါက်ခြင်း၊ပိုးဝင်ခြင်း၊သန္ဓေသားအပိုင်းအစများကျန်ရစ်ခြင်းစသည်တို့ကြောင့် နောင်တွင် ကလေးလုံးဝမရနိုင်သော အဖြစ်ရောက်ရှိနိုင်ပါတယ်။

(၉)ရင်သားကင်ဆာ
ကိုယ်ဝန်ရှိလျှင် ရင်သားတွင် နို့ထွက်စေသော ဟော်မုန်းအပြောင်းအလဲရှိပါတယ်။ဟော်မုန်းများပြောင်းလြဲခင်းကြောင့် ရင်သားဆဲလ်များသည် ကင်ဆာဆဲလ်အဖြစ်ပြောင်းလဲနိုင်သည်။သို့သော် ပုံမှန်ဆက်လက်ကိုယ်ဝန်ဆောင်ခဲ့သော် ကင်ဆာဆဲလ်အဖြစ်မပြောင်းလဲနိုင်တော့ပါ။ထိုတောအတွင်းကိုယ်ဝန်ဖျက်ချခဲ့သော် ထိုဟော်မုန်းအပြောင်းအလဲများကြောင့် ရင်သားကင်ဆာဆဲလ်အဖြစ်ရောက်ရှိရန် ဆက်စပ်မူရှိသည်ဟု သုတေသနပြုထားပါတယ်။

(၁၀)စိတ်ဝေဒနာခံစားရခြင်း
ကိုယ်ဝန်ဖျက်ချခြင်းကြောင့် ရုပ်ပိုင်းဆိုင်ရာ ထိခိုက်မူသာမက စိတ်ပိုင်းဆိုင်ရာလည်း ထိခိုက်နိုင်ပါတယ်။စိတ်ဓာတ်ကျခြင်း၊မူးယစ်ဆေးသုံးခြင်းမှအစ မိမိကိုယ်ကို အဆုံးစီရင်ခြင်း လုပ်သည်အထိ ပြင်းထန်ပါတယ်။

အထက်ပါအချက်များမှ အရေးကြီးသော အချက်ဖြစ်သည့် လူနာသည် ပိုးဆိပ်တက်ခဲ့သော် အလွန်အေးစက် သို့မဟုတ်အလွန်အပူကြီးခြင်း၊နှလုံးခုန်မြန်ခြင်း၊အသက်ရူမြန်ခြင်း၊သွေးပေါင်ထိုးကျခြင်း နှင့် သတိလစ်ခြင်းများဖြစ်နိုင်ပါတယ်။ထိုအချိန်တွင် ဆေးရုံတက်ကာထိရောက်စွာကုသသင့်ပါတယ်။လိုအပ်လျှင် သားအိမ်ထုတ်သည်အထိ ကုသမူခံရပါမယ်။သေချာမကုသခဲ့လျှင် ကိုယ်တွင်းအင်္ဂါများ အလုပ်မလုပ်ပဲ အသက်ဆုံးရူံးနိုင်ပါတယ်။ ထို့ကြောင့် ကိုယ်ဝန်ဖျက်ချခြင်းသည် ကိုယ်ဝန်ပျက်ဖို့တခုတည်းသာမက မိမိအသက်ဆုံးရူံးသည်အထိ ဖြစ်နိုင်ပါတယ်။

Author: Dr. ပြည့်ရှင်း

ဆက်စပ် ဆောင်းပါးများ