fbpx

Download OnDoctor App on Google Play

Myanmar (Covid-19 Stats)

😷 317 Total Cases
😥 6 Deaths
😇 250 Recovered

ဆောင်းရာသီမှာ ကိုယ့်အသားအရည်လေး ကြည်လင်ဝင်းပနေစေဖို့ ဘယ်လိုထိန်းသိမ်းကြမလည်း ?

ဆောင်းရာသီမှာ ကိုယ့်အသားအရည်လေး ကြည်လင်ဝင်းပနေစေဖို့ ဘယ်လိုထိန်းသိမ်းကြမလည်း ?

အခုဆို မိုးကုန်လို့ ဆောင်းရာသီရောက်တော့မယ်နော်..အရမ်းမအေးသေးပေမဲ့ လေထုကခြောက်သွေ့စပြုလာပါပြီ။

ဆောင်းရာသီမှာ လေထုက အေးပြီး ခြောက်သွေ့နေတတ်တာမို့ အသားရည်ကို အရင်ကထက်ဘပိုပြီး ဂရုစိုက်ဖို့လိုပါတယ်ရှင်။

နေလို့ထိုင်လို့ ကောင်းတဲ့ရာသီ ဖြစ်ပေမဲ့ မျက်နှာအသားရည်တွေခြောက်ပြီး မိတ်ကပ်လိမ်းလို့မကောင်း တာ၊ နှုတ်ခမ်းတွေခြောက်ပြီး အဖတ်လန်တာတွေက ပျိုမေတို့ အတွက် လှလှပြင်လို့ မကောင်းတဲ့ ရာသီပါ..

အဲ့ဒါကြောင့် အသားရည်ကို ဘယ်လိုတွေထိန်းသိမ်းကြမလည်းဆိုတာ ပြောပြပေးမယ်နော် ။

ဆောင်းရာသီဆိုတော့ အေးတော့ ရေဆိုလဲ ရေနွေးပဲ သုံးချင်ကြတယ်လေ။ ရေနွေးက မျက်နှာပြင်မှာ ရှိသင့်တဲ့ အဆီတွေကို အကုန်ဆေးချသလိုဖြစ်တာကြောင့် အဆီခမ်းသွားပြီး အရေပြားက ပိုခြောက်သွားပါတယ်။ အဲ့ဒါကြောင့် မျက်နှာသစ်ရင်တော့ဖြစ်နိုင်ရင် ရေကြက်သီးနွေးလေး သုံးပေးတာ ပိုကောင်းပါတယ် ။

မျက်နှာသစ်ပြီးပြီးချင်း moisturizer သုံးပါ။မျက်နှာအရေပြားသာမက ခန္ဓာကိုယ်အရေပြားတွေကိုပါ ရေချိုးပြီးတာနဲ့ moisture ထိန်းနိုင်အောင် moisturizer ချက်ခြင်းလိမ်းပေးပါနော်။မစိုမခြောက်အချိန်မှာလိမ်းနိုင်ရင် အရေပြားကစုပ်ယူမှုအား ပိုကောင်းပါတယ် ။

ရေဓာတ် အဆီဓာတ် အစိုဓာတ် များမျာmoisturizer ကိုသာရွေးချယ်သုံးစွဲပါ ။ ကိုယ့်အသားရည်က အဆီထွက်တာများလို့ gel type ပဲ ပုံမှန်သုံးလေ့ရှိတယ် ဆိုပေမဲ့ ဆောင်းတွင်းအချိန်မှာတော့ အရေပြားမှာရှိတဲ့ရေဓာတ်အစိုဓာတ်ကို ပိုကြာကြာထိန်းပေးနိုင်မဲ့ အဆီပါတဲ့ lotion type cream type ကို ရွေးသုံးပါနော်။

Exfoliate မှန်မှန်လုပ်ကြမယ်။လေခြောက်ခြောက် အေးအေးကြီးတွေကြောင့် အရေပြားခြောက်ပြီး အဖတ်လန်တာ၊ဆလ်အသေတွေများတာ ဖြစ်တတ်ပါတယ်။ ဒီဟာတွေကို ဖယ်ထုတ်မယ့် exfoliate လုပ်တာ scrub လုပ်တာကို ပုံမှန်ထက်ပိုဂရုစိုက်ပေးပါ။ဒါမှ အရေပြားက လိမ်းသမျှ တွေကို သေချာစုပ်ယူနိုင်ပြီး ကြည်လင်ရှင်းသန့်နေမှာပါ။

နှုတ်ခမ်းတွေခြောက်ရင် တံတွေးစွတ်တာမျိုးမလုပ်ပါနဲ့။တံတွေးစွတ်တာက ပိုခြောက်သွေးအပ်ကွဲစေလို့ lip balm ၊baby oil လေးအမြဲလိမ်းပေးပါနော်။

မျက်နှာကို Mask ကပ်တာ မကြာခဏလုပ်ပေးပါ ။ facial mask sheet တွေကိုကပ်ရတာကြိုက်တဲ့သူတွေအတွက် ဒီအချိန်ကအချိန်ကောင်းပါပဲ။ ပုံမှန် ထက် skin ကို extra care လုပ်တဲ့အနေနဲ့ facial mask sheet တွေသုံးပေးတာက ဆောင်းရာသီမှာ သူများတွေထက် ကိုယ့်အသားရည်လေးက စိုပြေနေမှာပါ ။

ဆပ်ပြာတုံးတွေအစား gel type , liquid type ပြောင်းသုံးပေးပါ ။ ဆပ်ပြာတုံးတွေကိုခဲနေအောင်လုပ်ထားတဲ့ ဓာတုပစ္စည်းတစ်မျိုးက အသားအရည်ကိုခြောက်သွေ့စေလို့ အခုလိုအေးပြီးအသားခြောက်တတ်တဲ့ရာသီမှာ ဆပ်ပြာအရည်သုံးပေးဖို့ တိုက်တွန်းချင်ပါတယ်ရှင်။

ဆောင်းရာသီမှာ အရေပြားပြသနာတွေ ကင်းပြီး ယုံကြည်မှုရှိရှိလှနိုင်ကြပါစေနော်။

Scarlette (ဆေး၁)

ဆက်စပ် ဆောင်းပါးများ