fbpx

အအေးမိခြင်း (Common Cold)

အအေးမိခြင်း (Common Cold)

အအေးမိခြင်းဆိုတာ အသက်ရှူလမ်းကြောင်း အပေါ်ပိုင်း (နှာခေါင်း၊အာသီး၊လေပြွန်)သို့ ဗိုင်းရပ်စ် ပိုးဝင်ခြင်းကြောင့် နေမကောင်းဖြစ်ခြင်း အခြေအနေတစ်ခုဖြစ်တယ်။

အများစုကတော့ ၁ ပတ်မှ ၁၀ရက် အတွင်း အလိုလို ပြန်ကောင်းသွားလေ့ရှိပါတယ်။

ယေဘုယျအားဖြင့် ဘေးအန္တရာယ်မရှိပါ။

ဆေးလိပ်သောက်သုံးသူများ ပျောက်ကင်းရန် အချိန်ပိုကြားနိုင်ပါတယ်။

၆ နှစ်အောက် ကလေးငယ်များ ပို၍ အအေးမိခြင်း၊ ဝေဒနာခံစားရနှုန်း ပိုများပါတယ်။

သို့သော် လူလတ်ပိုင်းအရွယ်များလည်း တစ်နှစ်လျှင် (၂)ကြိမ် သို့မဟုတ် (၃) ကြိမ်ခန့် အအေးမိခြင်း ဖြစ်နိုင် ပါတယ်။

 

Q ရောဂါဖြစ်ပွားပုံ

အအေးမိစေသော ဗိုင်းရပ်ပိုးများစွာ ရှိပါတယ်။

အဓိကအားဖြင့် Rhino ဗိုင်းရပ်စစ်ပိုး (နှာစေး / နှာပိတ် အဓိက ဖြစ်စေသောပိုး) ကြောင့် ဖြစ်တယ်။

အအေးမိဝေဒနာခံစားနေရသူမှ စကားပြောခြင်း / ချောင်းဆိုးခြင်း / နှာချေခြင်းဖြင့် လေထုထဲသို့ ပိုးပါသော အမှုန်များ ရောက်ရှိစေပါတယ်။

ထိုအမှုန်များသည် လေထုထဲတွင်လည်းကောင်း၊ အသုံးအဆောင်ပစ္စည်း၊ စားပွဲများပေါ်တွင် တင်ရှိနေနိုင်ပါတယ်။

ပိုးပါသော အမှုန်များကို ရှူမိခြင်း၊ အသုံးအဆောင်ပစ္စည်းများကို ကိုင်တွယ်ထားသော လက်ဖြင့် ပါးစပ်/နှာခေါင်း / မျက်လုံးများကို ကိုင်တွယ်ထိတွေ့မိခြင်းဖြင့် ကူးစက်စေပါတယ်။

ထို့ကြောင့် မိသားစုဝင်တစ်ဦး အအေးမိလျှင် ကျန်မိသားစုဝင်များပါ ကူးစက်ဖို့ ရာခိုင်နှုန်းများပါတယ်။

လူထူထပ်သော နေရာများသို့ သွားခြင်း၊ လေဝင်လေထွက်မကောင်းခြင်း၊ လူနေထူထပ်သော ၊ လူဦးရေများသော အိမ်တွင် နေထိုင်ခြင်း၊ အစုအဝေးဖြင့် နေထိုင်ခြင်း တွေဟာ အအေးမိစေခြင်း ဖြစ်ပေါ်ပျံ့ပွားကူးစက်ဖို့ ပိုမိုအားပေး ပါတယ်။

 

Q အဖြစ်များစေသော လူအုပ်စု / အကြောင်းအရင်းများ

အသက် ၆ နှစ်အောက် ကလေးငယ်များ

ကိုယ်ခံအား ကျနေသူများ

ရာသီဥတု – မိုးရာသီနှင့် ဆောင်းရာသီ

ဆေးလိပ်သောက်ခြင်း

အအေးမိပိုးရှိသူများနှင့် ပိုမိုထိတွေ့မှု ရှိစေနိုင်သော အခြေအနေများ

Eg –     လူနေထူထပ်သော နေရာများ

ကျောင်းများ / ကလေးထိမ်းဂေဟာများ

လေယာဉ်များ

 

Q ရောဂါလက္ခဏာများ

အအေးမိစေသော ဗိုင်းရပ်စ်ပိုးဝင်ပြီး ၁ ရက်မှ ၃ ရက်အတွင်း လက္ခဏာပြလေ့ ရှိပါတယ်။

နှာစေခြင်း၊ နှာပိတ်ခြင်း၊ နှာချေခြင်း

လည်ပင်းနာခြင်း

ချောင်းဆိုးခြင်း

ငွေ့ငွေ့ဖျားခြင်း

ခေါင်းအနည်းငယ်ကိုက်ခြင်း

ကိုယ်လက်မအီမသာဖြစ်ခြင်း

 

Q နောက်ဆက်တွဲ ဆိုးကျိုးများ

နားအလယ်ပိုင်းပိုးဝင်ခြင်းကြောင့် နားပြည်ယိုခြင်း / နားကိုက်ခြင်း

ရင်ကြပ်စေခြင်း

ထိပ်စပ်နာ ဖြစ်ခြင်း

အဆုပ်ခဲခြင်း (နမိုးနီးယားဖြစ်ခြင်း)

လေပြွှန်ယောင်ခြင်း

လေအိပ်ယောင်ခြင်း

အသံအိုးယောင်ခြင်း

 

Q အိမ်တွင်းကုထုံး

ရေများများသောက်ပါ။

အနားယူပါ။

လူထူထပ်သောနေရာများ / အလုပ်သွားခြင်းများ ရှောင်ပါ။

အာဟာရရှိသော အစားအသောက်ရွေးချယ်စားသောက်ပါ။

နွေးနွေးထွေးထွေးနေပါ။

ဆားရည် နှင့် ပလုတ်ကျင်းပါ။

ကော်ဖီ ၊ အရက် ၊ ဆေးလိပ်ရှောင်ပါ။

ဆရာဝန် ညွှန်ကြားချက်မလိုပဲ ဝယ်သောက်နိုင်သော နှာစေး ၊ နှာပိတ်ပျောက်ဆေး၊ အကိုက်အခဲပျောက်ဆေး၊ ချောင်းဆိုးပျောက်ဆေး သောက်နိုင်သည်။

Vitamin C နှင့် Zinc ပါသော အားဆေးသောက်နိုင်သည်။

နှာပိတ်လျှင် နှာခေါင်းတွင်းသို့ ဆားရေ ထည့်ပေးနိုင်သည်။

 

Q ကာကွယ်ခြင်းနည်းလမ်းများ

အအေးမိခြင်း ဝေဒနာအတွက် ကာကွယ်ဆေးမရှိပါ။

လက်ဆေးပါ။

နှာစေး / ချောင်းဆိုးလျှင် တစ်ရှူး (သို့မဟုတ်) လက်ကိုင်ပုဝါသုံးပါ။

အအေးမိနေသူရှိလျှင် ဝေးဝေးနေပါ။

အအေးမိနေသူရှိလျှင် အသုံးအဆောင်များ မျှဝေသုံးစွဲခြင်း ရှောင်ပါ။

ကလေးငယ်များ ကျောင်း / မူကြိုပို့မည်ဆိုလျှင် သေချာရွေးချယ်ပါ။

ကိုယ်ခံအားကောင်းအောင် ဂရုစိုက်ပါ။

 

 

 

 

 

Q ဘယ်အချိန် ဆရာဝန်နှင့် တွေ့ရမလဲ?

ကလေးငယ်များ –          အဖျား ၂ ရက်ကျော်လျှင်

အဖျား 100.4 °F ထက်များလျှင် (မွေးကင်းစမှ ၃ လ ကလေးများ)

ဆိုးရွားစွာ ခေါင်းကိုက်လျှင်

ဆိုးရွားစွာ ချောင်းဆိုးလျှင်

နားကိုက်လျှင်

ရင်ကြပ်လျှင်

မှိန်းလျှင် / ဂျီကျလျှင်

အစားအသောက် မဝင်လျှင်

လက္ခဏာများ မသက်သာလျှင်

လူကြီးများ      –          အဖျား 101.3 ℉ အထက်ရှိလျှင်

အဖျား ၅ ရက်ကျော်လျှင်

မကြာခဏ အဖျားပြန်တက်လျှင်

အသက်ရှုမဝလျှင်

ရင်ကြပ်လျှင်

ဆိုးရွားစွာ ခေါင်းကိုက် / ချောင်းဆိုး / လည်ပင်းနာလျှင်

 

  • Dr Yin Yin Win
    M.B,B.S(Ygn)
    Dip.Med.Sc(Family Medicine)
ဆက်စပ် ဆောင်းပါးများ